Մեծ Բրիտանիայի ԱԳՆ ղեկավար Ֆիլիպ Համոնդը շահագրգռված է Պուտինի շրջապատի կարողության մասին գաղտնի տեղեկության հրապարակմամբ, քանի որ նա վստահ է, որ Ռուսաստանը, ապակայունացնելով Արևելյան Եվրոպան՝ Բրիտանիայի ազգային անվտանգության համար «սպառնալիք» է ներկայացնում: Այս մասին հայտնում է The Telegraph-ը:
Համոնդը հայտարարել է, որ Լոնդոնը կարող է տեղեկություն փոխանցել ռուսական իշխող էլիտայի ակտիվների մասին, և դա Պուտինի ռեժիմի դեմ տեղեկատվական պատերազմի մաս է:
«Երբ մենք ասում ենք, թե ինչ հետագա քայլեր կարող ենք ձեռնարկել Ռուսաստանի վրա ճնշումն ուժեղացնելու համար, կետերից մեկը, որոնց մենք ժամանակ առ ժամանակ վերադառնում ենք, ռազմավարական հաղորդակցություններն են՝ ինչպես դիմենք ռուսներին և նրանց, ում կարծիքի վրա տեղի ունեցողի վերաբերյալ (Ուկրաինայում) փորձում է ազդել Ռուսաստանը»,- ասել է Համոնդը: «Դա հետաքրքիր գաղափար է (Պուտինի ամենամոտ շրջապատի ակտիվների մասին տվյալներ հրապարակելը), և ես ծրագրում եմ իմանալ՝ այդ մասին ինչ են մտածում ռազմավարական հաղորդակցությունների հարցերով մասնագետները»,- նշել է նա:
