SHAMSHYAN.com-ի տեղեկություններով՝ մարտի 4-ին «Նուբարաշեն» քրեակատարողական հիմնարկի ավտոկայանատեղիում տեղի ունեցած աղմկահարույց սպանությունների փաստով հարուցված քրեական գործի շրջանակներում որոշ մանրամասներ են հայտնի դարձել քննչական մարմնին:
Ինչպես հայտնում է shamshyan.com-ը, պարզվել է, որ ոստիկանության Երևան քաղաքի վարչության օպերատիվ կառավարման կենտրոն ահազանգը ստացվել է ժամը 14:00-ի սահմաններում «Նուբարաշեն» քրեակատարողական հիմնարկի անվտանգության աշխատակցի կողմից, ով հայտնել է, որ բանտի ուղղությամբ կրակոցներ են հնչել և կա տուժած:
Մինչ նշված վայր կժամանեին օպերատիվ խմբերը, ժամը 14:20-ի սահմաններում «Էրեբունի» բժշկական կենտրոնից ահազանգ է ստացվում ոստիկանության Երևան քաղաքի վարչության օպերատիվ կառավարման կենտրոն, որ բազմաբեկորային վնասվածքներով, կենսաբանական մահ ախտորոշմամբ իրենց մոտ է տեղափոխվել ինքնությունը չպարզված 35-40 տարեկան 2 տղամարդ:
Արդեն դեպքի վայրում պարզվել է, որ նույն օրը՝ ժամը 13:50-ի սահմաններում, դիմակավորված 3 հոգի «Նուբարաշեն» խճուղի 3 հասցեում՝ Նուբարաշենի բանտի ավտոկայանատեղիում, ինքնաձիգից ու ատրճանակներից կրակոցներով սպանել են Երևան քաղաքի Բագրատունյաց փողոցի 18 շենքի 24 բնակարանի բնակիչ, ոչ մի տեղ չաշխատող, Մեսրոպ Ալեքսանդրի Նազարյանցին, իսկ «Էրեբունի» հիվանդանոցում մահացած քաղաքացիներն են Երևան քաղաքի Մանանդյան փողոցի 26 շենքի 2-րդ բնակարանի բնակիչ, ոչ մի տեղ չաշխատող, 35-ամյա Դրաստամատ Հակոբջանի Թադևոսյանն ու Երևան քաղաքի Գարեգին Նժդեհի 44 շենքի 15 բնակարանի բնակիչ, ոչ մի տեղ չաշխատող, 43-ամյա Լևոն Միհրանի Ղազարյանը:
Ըստ տեղեկությունների՝ բոլոր 3 անձինք էլ նախկինում եղել են դատապարտված:
Մանրամասները՝ սկզբնաղբյուր կայքում
