«Խուլիգան երկիր է, վարչապետից սկսած՝ սաղ խուլիգան են, անուղեղ մարդ են, հայվանի մեկն են, ժանգոտ էղած ծախողից եկել 5 տոկոս հարկ ես ուզում՝ ոնց որ մեռելից հարկ ուզես»,- «Առաջին լրատվական»-ի հետ զրույցում նշեցին Գնունու շինարարական շուկայի աշխատակիցները:
Նրանք պնդում էին, որ անհնար է փաստաթղթավորել շուկայի ապրանքների մեծ մասը, իսկ 5 տոկոս հարկ վճարելը աբսուրդ է, քանի որ առևտուրը նվազել է, և հազիվ հասցնում են տեղի փող վճարել և օրվա հացի փող վաստակել. «Ի՞նչ եք ուզում մեզանից, թողեք հանգիստ աշխատենք, արա, էս ի՞նչ ա, եկեք շուկա տեսեք՝ էս զիբիլը ոնց փաստաթղթավորենք»,- բարկացած նշեցին առևտրականները:
Նրանցից շատերը շուկայում են հայտնվել հանգամանքների բերումով: Առևտրականների շարքում կան ուսուցիչներ, մարզիկներ, նախկին արտադրամասերի տնօրեններ. «Սաղ փակեցին, թող աշխատատեղ բացեն՝ նորմալ աշխատենք, էս ի՞նչ ա, ստիպված էս գործն ենք անում, էս էլ են ուզում փակեն»,- վրդովվեցին առևտրականները:
Նրանք հորդորեցին «վիլաներում նստած» չգրել այնպիսի օրենքներ, որոնցից անգամ իրենք բան չեն հասկանում:
Մանրամասները՝ տեսանյութում։
