Համաձայն հավատալիքների՝ հնուց ի վեր այնա ժողովրդի կանանց համար ընդունված է մարմնի տարբեր մասերի վրա տատուներ անել՝ «նախշազարդել» են ձեռքերից մինչև շուրթերը: Այսօր դա մենք կկոչեինք «Ջոկերի ժպիտ»՝ չնայած այն առաջացել է ավելի քան 10 հազար տարի առաջ՝ գրում է Kulturologia.ru-ն:
«Ժպիտ» նկարելու ավանդույթը հնագույններից մեկն է աշխարհում: Դրան երկար ժամանակ հետևել են այնա ժողովրդի ներկայացուցիչները:
Նման դաջվածք արել են բացառապես կանայք: Համարվում է, որ այդ արվեստն այնաների նախնիներին սովորեցրել է ամեն կենդանիի նախամայրը՝ Okikurumi Turesh Machi-ն, Okikurumi արարիչ Աստծո կրտսեր քույրը: Ավանդույթի համաձայն՝ կնոջ մարմնին դաջվածքը արել են նրա մայրը կամ տատիկը:
«Ճապոնականացման» գործընթացում՝ 1799-ին, այնա ժողովուրդներին արգելվել է դաջվածքներով պատել աղջիկներին, իսկ 1871-ին Հոկայդոյում կրկնակի խստացված օրենք է սահմանվել, քանի որ գործընթացը շատ ցավոտ է:
Այնաների համար դաջվածքներից հրաժարվելն անընդունելի էր, քանի որ համարվում էր, որ այդ դեպքում աղջիկը չի կարող ամուսնանալ: Ծիսակարգի ժամանակ աղջիկները մեծ ցավ էին զգում, սակայն այնաները հավատում էին, որ նման կերպ նա պատրաստվում է ծննդաբերությանը:
