Վերջերս Քեյթ Հադսոնը հայտնվել է Shape ամսագրի շապիկին՝ ցուցադրելով իր մարզված մարմինը: Նա ամսագրի ընթերցողների հետ կիսվել է իր մարմնի խնամքի որոշ գաղտնիքներով:
Մասնավորապես, 35-ամյա դերասանուհին խոստովանել է, որ ատում է դիետաները. «Ինձ դուր չի գալիս դրա գաղափարը: Դրանք ճնշում են մարդկանց, ովքեր ցանկանում են առավելագույնս արագ ազատվել ավելորդ քաշից: Կյանքի առողջ ապրելակերպը հարկավոր է տարիներով զարգացնել, այլ ոչ թե երկու շաբաթում»:
Դրա փոխարեն Հադսոնը նախընտրում է չափավոր սնվել և ինտենսիվ մարզվել. «Ես մի անգամ Փարիզի իմ սիրած ռեստորանում էի… և չափազանց շատ էի կերել՝ սթեյք, կարտոֆիլ, գարեջուր էի խմել: Երբ դեսերտի պահը եկավ, ելակով և սերուցքով թխվածք էի պատվիրել: Հանկարծ մի գեղեցիկ կազմվածքով շքեղ կին մոտեցավ իմ սեղանին և ցույց տալով գինու բաժակն՝ ասաց. «Սա է քո տորթի կտորը: Ահա թե ինչպես է պետք մտածել»: Այդ պահից սկսած՝ ես մտածում եմ, որ ամեն ինչ չափի մեջ է գեղեցիկ»,- բացատրելէ դերասանուհին:
Քեյթը պատմել է նաև մարզվելու իր ռեժիմի մասին. «Ես բավական հեշտ բաներից եմ սկսել, ինչպիսիք են յոգան և պիլատեսը, այնուհետև ավելի կոշտ մարզումների եմ անցել՝ TRX և բռնցքամարտ: Ես սիրում եմ աշխատել մինչև ուժասպառ լինելը, դա կարգավորում է մտքերս: Խնդիրը միայն կազմվածքը չէ, կարևոր է, որպեսզի ուղեղը նույնպես թթվածին ստանա և արյունը մշտապես շրջանառվի»։
