Երկուշաբթի սկսվել է ԵԱՀԿ Մինսկի խմբի համանախագահների այցը Բաքու, հաղորդում է Trend գործակալությունը:
Այցի ընթացքում Ջեյմս Ուորլիքը (ԱՄՆ), Իգոր Պոպովը (Ռուսաստան) և Պիեռ Անդրիոն (Ֆրանսիա) բանակցություններ կվարեն երկրի արտգործնախարար Էլմար Մամեդյարովի և պաշտպանության նախարար Զաքիր Հասանովի հետ, որի ընթացքում կքննարկեն Լեռնային Ղարաբաղի կարգավորման հարցը:
«Ակնկալում ենք լուրջ բանակցություններ վարել Ադրբեջանի նախագահ Ալիևի և մյուսների հետ՝ Լեռնային Ղարաբաղի խաղաղ կարգավորման քայլերի շուրջ»,- Twitter-ի իր էջում գրել է ԵԱՀԿ ՄԽ ամերիկացի համանախագահ Ջեյմս Ուորլիքը:
Հիշեցնենք, ավելի վաղ ՀՀ ԱԳՆ մամուլի խոսնակ Տիգրան Բալայանը հայտնել էր, որ ԵԱՀԿ Մինսկի խմբի համանախագահները փետրվարի 17-ին կայցելեն Հայաստան և հանդիպումներ կունենան նախագահ Սերժ Սարգսյանի եւ արտգոծնախարար Էդվարդ Նալբանդյանի հետ:
