«Նորմանդական քառյակի» առաջնորդները պատրանքեր չունեն Ուկրաինայում իրավիճակի կարգավորման հարցում, սակայն կա իրավիճակը դեպի լավը փոխելու իրական շանս։ Այս մասին մամլո ասուլիսի ժամանակ հայտարարել է Գերմանիայի կանցլեր Անգելա Մերկելը՝ փոխանցում է RIA Novosti-ն։
«Մենք պայմանավորվածության ենք հասնել փետրվարի 15-ին՝ ժամը 24.00-ին կրակի դադարեցման մասին։ Որևէ պատրանք չուենք, մենք հասկանում ենք, որ դեռևս անհրաժեշտ է շատ-շատ աշխատանք տանել։ Սակայն կա իրավիճակը բարելավելու իրական շանս»,-ասել է նա լրագրողներին։
Գերմանիայի կանցլերը Ֆրանսիայի նախագահ Ֆրասուա Օլանդի հետ հանդես է եկել համատեղ ճեպազրույցով՝ մոտ 17 ժամ շարունակված բանակցություններից հետո։
Կանցլերը համարում է, որ ուկրաինական ճգանաժամի կարգավորման գործում հույսի շող է հայտնվել Մինսկում «նորմանդական քառյակի» կողմից Ուկրաինայի վերաբերյալ փաստաթղթի ստորագրումից հետո։
Կանցլերի խոսքով՝ իրենք համաձայնեցրել են Մինսկի համաձայնագրի իրականացումը, սակայն պետք է ձեռնարկվեն հստակ քայլեր, և որ առջևում մեծ խոչընդոտներ կան։ Այնուամենայնիվ կանցլերը նշել է, որ նախաձեռնությունն իրեն արդարացրել է։
