Ուկրաինա զենքի մատակարարումը ուկրաինական ճգնաժամում գործողությունների տարբերակներից մեկն է՝ հայտարարել է Օբաման Վաշինգտոնում Անգելա Մերկելի հետ հանդիպման ժամանակ։
Օբամայի խոսքով՝ չի կարելի Ռուսաստանին թույլ տալ փոխել Եվրոպայում սահմանները «ատրճանակի փողի ներքո»։ Նա նշել է, որ մահաբեր պաշտպանական սպառազինության մատակարարումը Կիև դիտարկվող տարբերակներից մեկն է միայն։
Ամերիկացի նախագահն ընդգծել է, որ այդ առնչությամբ որոշում դեռևս չի ընդունել։ Նրա կարծիքով՝ հակամարտության ռազմական ուղով լուծման շանսերը միշտ փոքր են եղել, քանի որ Ռուսաստանն ուժեղ բանակ ունի։ Օբամայի խոսքով՝ շատ բան կախված կլինի Ռուսաստանի հետագա քայլերից, այդ թվում նորմանդական ձևաչափով հանդիպումից՝ հայտնում է DW-ն։
Օբամայի խոսքով՝ եթե Մոսկվան չհրաժարվի ընտրած կուրսից, ապա նրա մեկուսացումը կխորանա ինչպես քաղաքական, այնպես ել տնտեսական պլանում։
ԱՄՆ նախագահը վստահություն է հայտնել, որ Հյուսիսատլանտյան դաշինքը կշարունակի ուժեղացնել իր ներկայությունը Եվրոպայում։
Մերկելն իր հերթին նշել է, որ Բեռլինն ու Վաշինգտոնը շարունակում են հավատարիմ մնալ «տարածքային անձեռնմխելիության» սկզբունքին։ Մերկելի խոսքով՝ ուկրաինական հակամարտության ընթացքում այն խախտվել է երկու անգամ՝ Ղրիմի բռնակցման ժամանակ և Դոնբասում։
