ԱՄՆ նախագահ Բարաք Օբաման հայտարարել է, որ իմաստ չի տեսնում Իրանի հետ միջուկային ծրագրի շուրջ բանակցությունների հետագա երկարացման մեջ, եթե Թեհրանը չհամաձայնի միջազգային միջնորդների «վեցյակի» առաջարկներին։ Այս մասին գրում է RIA Novosti-ն։
«Ներկայում ես օգուտ չեմ տեսնում բանակցությունների հետագա երկարացման մեջ, եթե նրանք չհամաձայնեն բազային ձևակերպման ու հիմնական դրույթի հետ, որը պահանջում է միջազգային հանրությունը»,- ասել է Օբաման Գերմանիայի կանցլեր Անգելա Մերկելի հետ համատեղ մամլո ասուլիսում:
Օբաման հավելել է, որ ներկայում իրանական միջուկային խնդրի լուծումն արդեն տեխնիկական հարց չէ։ «Հարցն այժմ այն է, թե Իրանը ունի՞ քաղաքական կամք՝ կնքելու համար համաձայնագիր»,- նշել է նա։
