Ամերիկյան Փենսիլվանիա նահանգի 16-ամյա բնակչին սպանության համար են մեղադրել այն բանից հետո, երբ նա ընկերոջը սելֆի է ուղարկել, որում նկարվել է համադասարանցու մարմնի կողքին: Երիտասարդը խոստովանել է, որ հենց նոր է կրակելով սպանել հասակակցին՝ հավելելով, որ նա վերջինը չի, հայտնում է The Telegraph-ը:
Դեռահասն իր ընկերոջը սելֆին ուղարկել է Snapchat մեսենջերով, որը լուսանկարների ուղարկվելուց մի քանի վայրկյան հետո ջնջում է դրանք: Երիտասարդը հասցրել է նախքան ջնջվելը պահպանել լուսանկարը: Դա ոստիկաններին հիմք է տվել դեռահասի դեմ քրեական գործ հարուցել:
Երիտասարդին, որի անունը չի հրապարակվում, մեղադրել են Ռայան Մանգանի սպանության համար, որին մահացած են գտել Փենսիլվանիայի իր տանը:
«Ես արդեն ասել եմ, որ ամբողջ կեղտը կմաքրեմ: Ռայանը վերջինը չէր»,- իր ընկերոջը գրել է ենթադրյալ հանցագործը: Ներկայումս երիտասարդը բանտում է: Որքան ազատազրկում է նրան սպառնում՝ դեռ հայտնի չէ:
