2009-2010 թվականներին տնտեսության վարկավորումը բանկերի կողմից աճել է համապատասխանաբար` 13.1 և 26.8 տոկոսով, կազմելով` 698.9 և 885.9 մլրդ դրամ: Այս մասին ասվում է ՀՀ ֆինանսների նախարարության կողմից «Առաջին լրատվականին» ուղղված պատասխան նամակում:
Ընդ որում` արդյունաբերության ոլորտի վարկավորումը նույն ժամանակահատվածում աճել է համապատասխանաբար` 71.2 և 38.7 տոկոսով, տարեվերջին կազմելով` 146.9 և 203.8 մլրդ դրամ:
«Տնտեսության վարկավորման ճյուղային կառուցվածքը վկայում է այն մասին, որ եթե 2008 թվականին արդյունաբերության ոլորտի վարկավորման կշիռը (13.9 տոկոս) զիջում էր տնտեսության ընդհանուր վարկավորման կազմում ամենամեծ կշիռ ունեցող սպառողական վարկերին (28.2 տոկոս), ապա 2009 թվականից նկատվում է արդյունաբերության ոլորտի վարկավորման ծավալների առաջանցիկ աճ (23 տոկոս), որը ներկայումս ամենամեծ կշիռն է կազմում տնտեսության ընդհանուր վարկավորման ծավալների կազմում»,- նշված է պատասխանում:
