Gurizada Fandangueira խմբի երաժիշտները, որ, ինչպես հետևում է ականատեսների վկայություններից, հրդեհի պատճառ են դարձել Բրազիլիայի հարավային ակումբներից մեկում, հայտարարել են, թե գիտակցում են իրենց մեղքն ու չեն խուսափում պատասխանատվությունից:
Սանտա-Մարիա քաղաքի Kiss գիշերային ակումբում հրդեհը ծագել էր կիրակի գիշերը համերգի ժամանակ, որին ներկա է եղել 1000-ից ոչ պակաս մարդ, հիմնականում՝ տեղի համալսարանի ուսանողներ:
Հրդեհի հետևանքով, որը դարձավ վերջին 50 տարում ամենախոշորը, զոհվել է 233 մարդ:
Հետաքննության հիմնական վարկածի համաձայն՝ հրդեհը ծագել է երաժիշտների կողմից փակ շինությունում հրավառության միջոցների կիրառումից:
Ոստիկանությունը ձերբակալել է հաստատության տերերին ու երկու երաժիշտների: Հրդեհից զոհվածների թվում է խմբի անդամներից մեկը:
«Մենք չենք խուսափում պատասխանատվությունից: Մեր խմբի երկու անդամներ կալանավորված են: Իսկ մեկը մահացել է: Եթե այդպես պետք է լինի, նրանք կմնան ճաղերի հետևում: Հրավառության միջոցների օգտագործումը չպետք է ոչ մեկին մահ պատճառի, առավել ևս՝ խմբի անդամին»,- գրված է խմբի Facebook-յան էջում:
