«Նախընտրական Հայաստանում շինարարության թեման շատերի համար անսպասելի դարձավ Սերժ Սարգսյանի նախընտրական քարոզչության նյութ: Անսպասելի, որովհետև Ս.Սարգսյանի պաշտոնավարման օրոք այդ ոլորտում լիակատար փլուզում է»,- գրում է «Հայկական ժամանակը» և հավելում.
«Նախ հայտնի «Չեբուրաշկան» դավիթաշենյան նախընտրական հանդիպման ժամանակ հայտարարեց, թե ստրոիլի-ստրոիլի…, հետո էլ ԱԺ պատգամավոր, ֆինանսավարկային և բյուջետային հարցերի մշտական հանձնաժողովի նախագահ Գագիկ Մինասյանը հայտարարեց, թե իրենց հաջողվել է կասեցնել շինարարության անկումը: Նույնիսկ ամենամեծ վարպետությամբ կեղծելու պարագայում, հնարավոր չէ այս ոլորտում Սերժ Սարգսյանի օգտին որևէ, գոնե մի չնչին ցուցանիշ գտնել: Ընդամենը նշենք, որ Սերժ Սարգսյանի պաշտոնավարման ընթացքում աղետի գոտում միջին տարեկան հաշվարկով կառուցվել է մոտ 25 հազար քմ բնակմակերես այն դեպքում, երբ պատերազմական 92-93 թվականներին կառուցվում էր դրանից երեք անգամ շատ»: