Apple ընկերությունը Mac համակարգիչների համար թողարկել է Photos՝ լուսանկարների պահման ու մշակման փորձնական տարբերակը, որը կոչված է փոխարինելու iPhoto հավելվածին: Այս մասին հայտնում է The Verge-ն:
Առաջինը նոր հավելվածը փորձարկելու հնարավորություն են ստացել Apple-ում գրանցված մշակողները, որոնք հասանելիություն են ստացել ծրագրին փետրվարի 5-ին: Հետագայում ընկերությունը ծրագրում է թողարկել Photos հանրային բետա-տարբերակը, իսկ հավելվածի վերջնական տարբերակը դուրս կգա այս տարվա գարնանը՝ OS X Yosemite հարթակից օգտվող օգտատերերի համար:
13 տարի առաջ գործարկված iPhoto հավելվածի աջակցությունը դադարեցնելու մասին Apple-ը հայտարարել է անցած տարի:
Photos նոր հավելվածը օգտատերերին համար ավելի մեծ հնարավորություններ կընձեռի՝ աշխատելու լուսանկարների հետ, սակայն Aperture-ի համեմատ՝ նրա ֆունկցիոնալությունը կկրճատվի:
Նոր հավելվածն ունի մոտավորապես այնպիսի տեսք ու աշխատում է այնպես, ինչպես ավելի վաղ գործարկված՝ iPhone-ի ու iPad-ի վերջին մոդելների Photos հավելվածը:
Photos հավելվածը սերտորեն համագործակցում է iCloud ամպային ծառայության հետ: Միևնույն ժամանակ, օգտատերերը իրենց Mac-երում կարող են շարունակել աշխատել iPhoto-ի ու Aperture-ի հետ:
