Շենչժեն հարավչինական քաղաքի կենդանաբանական այգու ուշադրությունը գրավել են քարացած կոկորդիլոսները: Շատ հետաքրքրասերներ փորձել են հասկանալ, թե ինչու են կենդանիները սատկած ձևանում, քանի որ նրանք օրվա ընթացքում մարմնի ոչ մի հատված չեն շարժել: Նրանք մտածել են, որ վանդակում բնավ վտանգավոր կենդանիներ չեն: Չհամարձակվելով մտնել վանդակ, նրանք կոկորդիլոսների վրա քարեր են նետել: Նման փորձարկումների հետևանքով սատկել էին բոլոր կենդանիները:
Իհարկե, ինչպես հուշում է բանականությունը, կոկորդիլոսները պետք է կենդանի լինեին: Բայց գիշատիչներին նայելու եկածները դժվար թե իմանային, որ տարվա այդ եղանակին կոկորդիլոսներին բնորոշ է ձմեռային քուն մտնել: Սկզբում կենդանիների վրա քարեր ու պլաստմասե շշեր են նետել: Կյանքի նշաններ չնկատելով՝ անկարգ այցելուները գործի են դրել «ծանր հրետանին»՝ ապակե շշերն ու քարերը:
Ինչպես հետագայում հայտնի դարձավ, կենդանիներն իրենց «սովորության» համար կյանքով են վճարել: 12 կոկորդիլոսներից ողջ է մնացել միայն երկուսը, այն էլ ելնելով արտաքին վնասվածքների բացակայությունից: Կենդանիների ճակատագիրը կորոշվի միայն գարնանը, երբ նրանք կարթնանան խոր քնից, իսկ մինչ այդ անհայտ է, թե ինչ կլինի նրանց հետ:
