Twitter միկրոբլոգների ցանցը ընդլայնել է գովազդի վաճառքի աշխարհագրությունը՝ ներառելով Մերձավոր Արևելքն ու Հյուսիսային Աֆրիկան, քանի որ այդ տարածաշրջանների օգտատերերի թիվը անցած տարում եռապատկվել է: Այս մասին հայտնում է Reuters գործակալությունը՝ հղում անելով Twitter-ի՝ միջազգային օպերացիաների գծով փոխնախագահ Շայլեշ Ռաոյին:
Twitter-ը սկսել է համագործակցել եգիպտական Connect Ads գովազդային գործակալության հետ, որը ծառայության միջոցով գովազդ կվաճառի Եգիպտոսում, Սաուդյան Արաբիայում, Պակիստանւմ, Քուվեյթում և ԱՄԷ-ում: Այդ տարածաշրջաններում իրենց ապրանքներն են սկսել գովազդել Pepsi ընկերությունը և կապի սաուդյան օպերատոր Etihad Etisalat-ը:
Նշենք, որ վերջին շրջանում միկրոբլոգների ծառայության տնօրինությունը ակտիվ աշխատանքներ է տանում ծառայության մոնետիզացման ուղղությամբ:
