Թուրքիայի արտակարգ իրավիճակների նախարար Ֆուաթ Օքթայը հաստատել է, որ 160 հազար սիրիացի փախաստականների ապահովել են վրաններով, ինչպես նաև հոգացել են նրանց ֆիզիկական և առողջապահական կարիքները:
«Միջազգային հանրության կողմից Սիրիային տրամադրած օգնության արժեքը կազմել է մոտ 17 միլիոն ԱՄՆ դոլար, այնինչ միայն Թուրքիան տրամարդել է ավելի քան 340 միլիոն դոլարին համարժեք օգնություն: Միջազգային հանրության կողմից Սիրիային տրամադրված 17 միլիոն ԱՄՆ դոլարի օգնությունը, Թուրքիայի տրամադրած օգնության համեմատ, շատ չնչին է: Կարծում եմ՝ մեր այս քայլը խթան կհանդիսանա միջազգային հանրության համար, բայց դեռևս համապատասխան նախաձեռնություններ չեն նկատվում»,- ասել է Օքթայը, որի խոսքերը մեջբերում է Anadolu գործակալությունը:
Օքթայը շեշտել է , որ Սիրիային ուղղված՝ միջազգային հանրության կողմից ավելի մեծ աջակցության սպասելիքներ ունի:
