ԱՄԷ-ում անհայտ անձը սոցիալական ցանցերում հաղորդագրություն էր տեղադրել աշխարհում ամենաբարձր շենքի՝ Բուրջ Խալիֆայի հրկիզման մասին: Լուրը լայն տարածում է գտել, իսկ Դուբայ էմիրության բնակիչները սկսել են զանգահարել արտակարգ ծառայություններ: Ոստիկանությունը բնակչությանը վստահեցրել է տեղեկատվության կեղծ լինելու մեջ և սկսել փնտրել համացանցային խուլիգանին, որը մեծ վնաս է հասցրել քաղաքի անվտանգությանը ու խուճապ առաջացրել: Այս մասին գրում է Gulf News պարբերականը:
Պարբերականի տվյալներով՝ սկանդալը սկսվել է YouTube-ում տեղադրված տեսահոլովակից, որում ցուցադրվում էր «ծխով պատված երկնաքերը»:
Դուբայի ոստիկանությունը հավաստիացրել է, որ նման սպառնալիք չկա. «Դա պարզապես մառախուղ է: Տարվա այս եղանակին ամպերը և մառախուղը հաճախ են հավաքվում երկնաքերի շուրջը: Մեր սիրելի Բուրջ Խալիֆան անվտանգության մեջ է և ինչպես նախկինում՝ փայլում է»,- ասվում է ՆԳՆ-ի պաշտոնական հայտարարության մեջ:
