Հունվարի 29-ի վաղ առավոտյան Վ. Սարգսյանի անվան ռազմական ինստիտուտի մարզահրապարակում մահացած վիճակում (գտել են պտտաձողին կախված) հայտնաբերված առաջին կուրսեցի Հայկազ Բարսեղյանի մարմինն արդեն Արարատի մարզի հայրենի Նիզամի գյուղում է:
Նիզամիի գյուղապետը ԳԱԼԱ–ին փոխանցել է, որ զինծառայողի մարմինը հայրենի գյուղ են տեղափոխել այսօր առավոտյան, զինծառայողի մահը սգում է ամբողջ գյուղը: Թե ինչ է տեղի ունեցել, ինչ է նախորդել սպանությանը, գյուղում ենթադրել անգամ չեն կարող:
«Հոր հետ խոսել ենք, մեր գյուղի մարդ է, դե ինքը իրա յուղի մեջ տապակվում է: Ծնողներն իսկական խելագարված են, մայրն ընդհանրապես ի վիճակի չէ խոսելու: Գիտենք, որ ինքնասպանությունը էն գլխից էլ հերքվեց, հիմա փաստերը դրան են տանում, որ երեխուն մի քանի հոգով սպանել են, թե ինչու՝ գաղափար չունենք»:
Ի՞նչ է տեղի ունեցել իրականում. ռազմական փորձագետ, իրավապաշտպան Ռուբեն Մարտիրոսյանը ԳԱԼԱ-ի հետ զրույցում ասել է, որ իրականում տղային սպանել են սենյակում՝ անկողնու մեջ, հետո փորձել են հետքերը թաքցնել ու նրա անշնչացած մարմինը կախել են պտտաձողից:
«Տեղյակ եմ, որ դաժանորեն ծեծել և խոշտանգել են: Այն աստիճան է ծեծված ու խոշտանգված, որ ամենայն հավանականությամբ նա ի վիճակի չէր շարժվել՝ գնալ դեպքի վայր՝ պտտաձողի մոտ: Իրա արյան հետքերը հայտնաբերվել են ննջասենյակում, և մեծ քանակությամբ արյան հետքեր կան անկողնում, և ոչ մի արյան հետք չկա դեպի պտտաձող տանող ճանապարհի վրա: Անձիք երևի տեղափոխել են, տեսել են, որ մահանում է, կախել են, որ հետո ներկայացնեն՝ իբրև թե ինքնասպան է եղել»,- նշել է իրավապաշտպանը:
Մանրամասները՝սկզբնաղբյուր կայքում
