Ատլանտայում Ջորջիա նահանգի տեխնոլոգիական ինստիտուտը նոր հոլովակ է ներկայացրել, որում 4 ռոբոտ մարդու հետ հավասար նվագում են: Մեքենաները սովորել են ոչ միայն տրված ծրագրով ընկերակցել երաժշտին, այլև համապատասխան իմպրովիզացիա անել: Այս մասին հայտնում է Daily Mail-ը:
3 ոչ մեծ ռոբոտ (նախագծի հեղինակը դրանք անվանել է Shimin) կատարում են աշխատանքի պարզ մասը, որը գործիքների հետ վարվեցողություն չի պահանջում. երկուսը կատարում են հարվածների նախանշված մասը, մեկը՝ ուղեկցող երաժշտությունը:
Մշակման նորությունը ցուցադրում է չորրորդ խոշոր Shimon ռոբոտը, որը հանպատրաստից նվագում է մարիմբայով: Սկզբում նրա համար ամենից դժվարը եղել է գուշակել՝ որտեղ և երբ իջեցնել իր մանիպուլյատորները՝ անհրաժեշտ նոտաները նվագելու համար: Այսինքն՝ ռոբոտը կամ նոտան նվագել է ոչ ճիշտ օկտավայով, կամ այն ընդհանրաես բաց է թողել:
Սա կապված է ռոբոտատեխնիկայի ավելի ընդհանուր խնդրի հետ. երթուղու ծրագրման հետ կապված դժվարությունների հետ: Ցանկացած շարժվող ռոբոտ պետք է մտածի՝ ինչպես կատարել իր առջև դրված խնդիրները, կորպուսը ճիշտ ուղղությամբ տանել և խուսափել արգելքներից, և այդ ամենը միաժամանակ:
«Shimon-ը պետք է մտածի ոչ միայն ինչ նվագելու, այլև ինչպես դա նվագելու մասին: Ալգորիթմները կարող են ստեղծել աշխարհի ամենահիասքանչ երաժշտությունը, բայց շարժման հաշվարկի մեջ սխալները հեշտությամբ կփչացնեն դրա սկզբնական գեղեցկությունը»,- ասել է նախագծի ղեկավար Մայսոն Բրեթանը:
