Օրերս դերասան Շոն Փենը բավականին անկեղծ հարցազրույց է տվել Esquire պարբերականին՝ խոսելով Շարլիզ Թերոնի հետ իր հարաբերությունների և ամուսնության ծրագրերի մասին:
Դերասանի խոսքով՝ կես տարի առաջ ինքը մտածել անգամ չէր կարող, որ ապագայում իրեն նոր սեր է սպասվում:
«Ես շատ զարմացած եմ, որ կարողացա կրկին սիրահարվել: Ես կարծում էի, թե իմ ժամանակն արդեն անցել է: Հանդիպել մեկին, որի մասին դուք այժմ կարող եք հոգ տանել՝ սա շատ կրքոտ, խորը և անհավանական երջանիկ զգացողություն է: Ես սիրահարված եմ այդ կնոջը և ցանկանում եմ նորից ամուսնանալ»,- ասել է դերասանը:
Հարցազրույցում Շոն Փենը ոչ միանշանակ է արտահայտվել Մադոննայի և Ռոբին Ռայթի հետ իր ամուսնությունների մասին՝ ասելով, թե երկու անգամ ամուսնացած է եղել, սակայն լինելով ավելի քիչ տեղեկացված և իմաստուն. «Այնպես որ՝ սա կարելի է համարել իմ առաջին ամուսնությունը, ոչ թե երրորդը»:
