RIA Novosti-ի հաղորդմամբ` Իրանի Իսլամական Հանրապետության բարձրագույն ղեկավար Ալի Խամենեիի օգնականն այսօր հայտարարել է, որ ցանկացած հարձակում Սիրիայի վրա կընկալվի որպես հարձակում Իրանի ու նրա դաշնակիցների վրա: «Սիրիան առանցքային դեր է խաղում: Սրա հետ կապված՝ Սիրիայի վրա հարձակումը կգնահատվի որպես հարձակում Իրանի ու իրանցի համախոհների վրա»,- հայտարարել է Ալի Աքբար Վելայատին՝ Խամենեիի օգնականը:
Իրանը Սիրիայի նախագահ Բաշար Ասադի դաշնակիցն է ու Դամասկոսին գնահատում է որպես իսրայելական ու արևմտյան ազդեցության ընդդիմության վեկտոր Մերձավոր Արևելքում:
Ավելի վաղ Թեհրանն արդեն կտրուկ նախազգուշացումներ արել էր Ասադի գործերին խառնվել ցանկացողների հասցեին, որը մեկ տարուց ավելի է՝ զինված պայքար է մղում ընդդիմադիր ուժերի դեմ, որոնք ձգտում են իշխանության գալ: