Ադրբեջանը «Շահ Դենիզ» գազի հանքավայրի նախագծի համաձայնագիրը երկարաձգել է ևս 5 տարով: Reuters-ի փոխանցմամբ` երեկ Դավոսում այս մասին հայտնել է SOCAR-ի (Ադրբեջանի պետական նավթային ընկերություն) փոխնախագահ Էլշադ Նասիրովը:
«Մենք պայմանավորվել ենք «Շահ Դենիզի» շահագործման համաձայնագիրը երկարաձգել մինչև 2036 թվականը, և ներկայում «Շահ Դենիզ» հանքավայրի գործընկերները ձեռնամուխ կլինեն նախագծի երկրորդ փուլին»,- ասել է Նասիրովը:
Նա նաև նկատել է. որ «կանաչ լույս» է վառվել նախագծի երկրորդ փուլի համար:
Ծովային «Շահ Դենիզ» հանքավայրի շահագործման պայմանագիրն ստորագրվել է 1996թ. հուլիսի 4-ին: Համաձայնագրի մասնակիցներն են BP-ն (օպերատոր)՝ 25.5 տոկոս, Statoil-ը՝ 25.5 տոկոս, NICO-ն՝ 10 տոկոս, Total-ը՝ 10 տոկոս, Lukoil-ը՝ 10 տոկոս, TPAO-ն՝ 9 տոկոս, SOCAR-ը՝ 10 տոկոս:
Արդյունահանվող գազը կմատակարարվի Թուրքիա և Եվրոպա: