Facebook-ից ամսվա ընթացքում օգտվող մարդկանց թիվը մեծացել է 2.2 տոկոսով և կազմել 1.38 միլիարդ՝ 2014-ի չորրորդ եռամսյակի արդյունքներով։ Երրորդ եռամսյակում նշվել է 1.35 մլրդ օգտատիրոջ մասին։ Օգտատերերի 86 տոկոսը սոցցանց է մուտք գործում բջջային սարքերով։ Նման տվյալներ են ներկայացված ընկերության եռամսյակային հաշվետվությունում։ Սոցցանցից օրական օգտվում է 890 մլն մարդ։
Ընկերության եկամուտը պատմության մեջ առաջին անգամ գերազանցել է մեկ տարում 10 մլրդ դոլարը։ 2014-ին Facebook-ն աշխատել է 12.47 մլրդ դոլար, ինչը 58 տոկոսով ավելի է 2013-ի արդյունքներից։
2014-ի չորրորդ եռամսյակյում եկամուտը կազմել է 3.85 մլրդ դոլարը, ինչը 49 տոկոսով գերազանցում է երրորդ եռամսյակի արդյունքները։
Զուտ շահույթը տարվա ընթացքում կազմել է 2.94 մլրդ դոլար՝ 96 տոկոսով ավելի, իսկ չորրորդ եռամսյակում աճել է 34 տոկոսով՝ հասնելով 701 մլն դոլարի։
