Մարտի 1-ից հնարավոր ավտոմատ սեկվեստրի հետևանքով Պենտագոնը սկսել է պատրաստվել 46 հազար ժամկետային և պայմանագրային քաղաքացիական ծառայողների կրճատմանը:
Բյուջեի ավտոմատ սեկվեստրը նշանակում է ծախսերի կրճատում մինչև 1,2 տրիլիոն դոլար` հավասարապես բաշխելով զինվորական և քաղաքացիական ոլորտներում: Այն ԱՄՆ–ում կսկսվի 2013 թ. մարտից՝ այն դեպքում, երբ ԱՄՆ վարչակազմն ու կոնգրեսը բյուջետային դեֆիցիտի կրճատման միջոցների շուրջ համաձայնության չգան:
Պաշտպանության փոխնախարար Էշթոն Քարտերն ասել է, որ նախարարությունը անհապաղ պետք է գործի անցնի: Նա արդեն խնդրել է իրեն մանրամասն ներկայացնել ծրագիր, թե ինչպես մինչև 50 մլրդ դոլարով կրճատեն ծախսերը, ինչի կարիքը կարող է առաջանալ մարտի 1-ից:
Նրա խոսքերով՝ ծախսերի կրճատման նպատակով ԱՄՆ զինված ուժերը դադարեցնում են ռազմածովային նավատորմում և կենտրոններում պլանային աշխատանքները: Ավելի վաղ Պենտագոնը հայտարարել էր, որ սեկվեստրի պարագայում բոլոր նավերը հետ կուղարկի նավահանգիստներ, համաշխարհային օդանավերի օվկիանոսից կհանի իր հերթափոխերը և մասնակի կհրաժարվի ուսուցումից: 800 հազար մարդ քաղաքացիական անձնակազմից կարող են կորցնել իրենց աշխատատեղերը կամ գնալ չվճարվող արձակուրդի:
