Հույն ահաբեկիչ Խրիստոդուլոս Քսիրոսին դաժանաբար ծեծել է ծանր քրեական հանցագործությունների համար դատապարտված Վասիլիս Վարելասը, ով կասկադյոր է եղել ամերիկացի դերասան Չակ Նորիսի մոտ: Այս մասին հայտնում է en.protothema.gr-ը:
Նորիսի ֆիլմերում կասկադյորը հնարքներ է արել վտանգավոր տեսարաններում: Նա 35 տարվա ազատազրկման է դատապարտվել 2011թ. 35-ամյա ալբանացու և նրա 2 տարեկան որդու սպանության համար: Վարելասը նաև մեղադրվում է բանտից շորթողների հանցախումբ ղեկավարելու համար:
Ծեծի հետևանքով Քսիրոսի դեմքը կոտրվել է, նա հոսպիտալացվել է, գրում է պորտալը:
Քսիրոսի վրա հարձակման մասին տեղեկությունը ANT1 հեռուստաալիքին հաստատել է ահաբեկչի փաստաբան Ֆրանցիսկ Ռանգուպիսը՝ հավելելով, որ իր հաճախորդը չի պատրաստվում բողոքել կամ պաշտպանություն խնդրել բանտի ղեկավարությունից:
Քսիրոսը եղել է «Նոյեմբերի 17» ահաբեկչական կազմակերպության ղեկավարներից մեկը, նրան դատապարտել են ցմահ ազատազրկման և 25 տարվա տաժանակիր աշխատանքի 33 ահաբեկչության և 6 սպանության մասնակցելու համար:
