Սիրիայի մայրաքաղաք Դամասկոսի կենտրոնում մահափորձ է իրականացվել էներգետիկայի փոխնախարար Աբդել Հալիմ Քասեմի դեմ:
Ինչպես հաղորդել է «Սուրիա Ալ-Ան» լրատվական ծառայությունը, փոխնախարարի մեքենայում պայթուցիկ է տեղադրված եղել: Բարձրաստիճան պաշտոնյան չի տուժել, վնասվել է միայն ավտոմեքենան: Ոստիկանությունը շրջափակել է պատահարի վայրը:
ITAR-TASS գործակալությունը, վկայակոչելով արաբական ԶԼՄ-ներին, հաղորդում է, որ երկօրյա դադարից հետ վերսկսվել են բախումները պաղեստինցինրի «Յարմուկ» ճամբարում: Սիրիայի կառավարական զոքերը շարունակում են լայնածավալ գործողություններ իրականացնել Դամասկոսի հարավում գտնվող Դարաա մարզում:
Հոմսում (Դամասկոսից 165 կմ հյուսիս) ընդդիմադիրները շրջափակման մեջ են գտնվում քաղաքի հին թաղամասերում: Հալեպում ռազմական գործողությունները նույնպես ընթանում են հին քաղաքում՝ Շեյխ Սաիդ և Շահադին փողոցներում:
Նշենք, որ Սիրիաում այսօր հայտարարվել է հանգստյան օր՝ Մուհամեդ մարգարեի ծննդյան տոնի կապակցությամբ:
