Ֆլորիդայի դպրոցում սովորողներին գունավորելու համար սատանիստական գրքեր են բաժանել: Այդ մասին հաղորդում է Metro-ն: Գրքում առաջարկվում է գունավորել սատանային և միացնել կետերը, որպեսզի պենտագրամայի պատկեր ստանան:
«Երեխաների զբաղվելու համար մեծ սատանայական գրքի» (The Satanic Children’s Big Book of Activities) հեղինակը «Սատանիստական եկեղեցու» տեղական բաժինն է: Այդ գիրքը թողարկվել է այն բանից հետո, երբ Ֆլորիդայի պահպանողական եկեղեցական դպրոցական խորհուրդը (Florida’s conservative Christian school board) թույլ էր տվել տեղի դպրոցականներին Աստվածաշունչ բաժանել, բայց արգելել էր աթեիստական գրքերի տարածումը: Դրանից հետո տեղի հակակրոնական խմբավորումները օգնել էին գունավորելու համար սատանիստական գիրք ստեղծել և տարածել կրոնական այդ գրքերը նահանգի դպրոցներում:
«Սատանայի եկեղեցու» համահիմնադիր Լյուսեն Գրիվզը հայտարարել է, որ սատանիստները երբեք չեն ձգտել իրենց կրոնական նյութերը տարածել պետական դպրոցներում: Ըստ նրա՝ եկեղեցու և պետության տարանջատումը համապատասխանում է ԱՄՆ Սահմանադրությանը: Դրա հետ մեկտեղ, հոգևորականը նշել է, որ եթե Աստվածաշունչն ու կրոնական բրոշյուրները բաժանում են դպրոցներում, ապա երեխաներին պետք է հասանելի լինեն նաև այլ ուսումունքների գրքերը:
