ԱՄՆ-ի բնակչության գրեթե կեսը պաշտպանում են նախագահ Բարաք Օբամայի զենքի շրջանառության վերաբերյալ օրենքները խստացնելու առաջարկությունը,- վկայում է Gallup ընկերության անցկացրած սոցհարցումը:
Հարցվողներին առաջարկվում է պատասխանել «կողմ» կամ «դեմ» ինը հիմնական հարցերի հունվարի 19-20-ը անցկացրած սոցհարցման ընթացքում:
Հարցման արդյունքում հարցվածների 91%-ը պաշտպանել է զենք գնողների պարտադիր ստուգման ներմուծումը, 82%-ը կողմ է արտահայտվել պետական ծախսերի ավելացմանը զենք ունեցող երիտասարդների հոգեկան առողջությունը ստուգելու համար: Ամերիկացիների երեք քառորդը ճիշտ է համարում պատժամիջոցների խստացումը այն մարդկանց համար, որոնք գնում են զենքեր նրանց համար, ովքեր ինքնուրույն չեն կարող այն ձեռք բերել:
Ավելի վաղ հետազոտական Pew Research կենտրոնը նույնպես հարցում է անցկացրել Օբամայի «զենքի» վերաբերյալ առաջարկների կապակցությամբ: Հարցվածների 49%-ը կողմ է արտահայտվել զենքի վերաբերյալ օրենքների խստացմանը, այն դեպքում, երբ 42%-ը հայտարարել է, որ ավելի կարևոր է պաշտպանել ամերիկացիների՝ զենք կրելու սահմանադրական իրավունքը: