Ստրասբուրգում անշլագով է անցել իր պրովոկացիոն և սկանդալային պահվածքով հայտնի կատակերգու Դյոդոննեի համերգը: Դյոդոննեն իրեն թույլ է տվել կատակել ֆրանսիացիների համար ցավոտ թեմայով՝ հայտարարելով, որ «իրեն զգում է Շառլի Կուլիբալի»: Խոսքը Ամեդի Կուլիբալիի մասին է եղել, որը ոստիկանի է սպանել Մոնրուժ քաղաքում, իսկ ավելի ուշ գերիներ էր վերցրել հրեական մթերային խանութում, հայտնում է TASS-ը:
Այդուհանդերձ, հանրապետական մամուլում շոուի շուրջ բարձրացված աղմուկից հետո շոուին մոտ 3 500 մարդ է գնացել: Միաժամանակ, մոտ 1 000 տոմս, յուրաքանչյուրը՝ 43 եվրո, ստրասբուրգցիները և հարակից շրջանների բնակիչները գնել են ներկայացումից բառացիորեն մի քանի ժամ առաջ, երբ այն, չնայած տեղի իշխանությունների կամքին, տեղի կունենա:
«Ակնհայտ է՝ այդ 3 500 հոգին Շառլին չեն՝ չնայած նրանցից ոչ բոլորն են, ինչպես թվում է, «թաղամասերից» եկածներ»,- համերգի հանդիսատեսի մասին գրել է փարիզյան Le Figaro թերթը՝ գործածելով Ֆրանսիայում հանցավորության բարձր մակարդակով անբարենպաստ քաղաքային շրջանների արհամարհական անվանումը:
«Ստիպված եղա երկար ճանապարհ հաղթահարել այստեղ՝ ձեզ մոտ գալու համար: Շնորհակալ եմ ձեզ, որ այստեղ եք»,- ասել է Դյոդոննեն՝ բեմ բարձրանալով նարնջագույն հագուստով՝ նման Գուանտանամոյում ռազմածովային բազայում ամերիկյան բանտի կալանավորների բանտային հագուստին: Նա ձեռնաշղթաներով է եղել: «Ես կալանքից եմ ազատվել»,- ասել է նա:
Իր ֆեյսբուքյան էջում հունվարի 11-ին կատակերգուն գրել է. «Ես ինձ Շառլի Կուլիբալի եմ զգում»: Նրա կատակը վրդովմունքի մեծ ալիք է բարձրացրել համացանցում, հետո նա ստիպված ջնջել է իր կատակը: Ամեն դեպքում, իրավապահները նրա նկատմամբ հետաքննություն են սկսել «ահաբեկչությունն արդարացնելու» կասկածանքով: Դատը պետք է տեղի ունենա փետրվարի 4-ին Փարիզում:
Այդ ամենի ֆոնին Ստրասբուրգի ղեկավարի առաջին տեղակալ Ալեն ֆոնտանելը հայտարարել է, որ իշխանությունները «չեն ուզում Դյոդոննեին ընդունել մարդու իրավունքների եվրոպական մայրաքաղաքում»: Սակայն Ստորին Ռեյն դեպարտամենտի պրեֆեկտուրայում համերգը չեն չեղարկել, քանի որ հնարավոր էր անել միայն հասարակական կարգը պահպանելու նպատակով: Այդպիսի սպառնալիք շոուում իշխանությունները չեն տեսել:
