Ստամբուլի դատարանը մեղադրական վճիռ է կայացրել հանցավոր ցանցի ենթադրյալ լրտեսական գործունեության գործով: Խմբի շարքերում կարող է լինել թուրքական նավատորմի փոխծովակալ Վեյսել Կյոսելեն: Այս մասին հայտնում է MK-Turkey-ը:
2000 էջանոց մեղադրական ակտը նախկինում ներկայացվել է Իզմիրի 12-րդ գերագույն քրեական դատարան: Ակտում հիշատակվում է 357 կասկածյալի անուն, որից 99-ը գտնվում են կալանքի տակ: Ակտում նշվում են նաև 831 զոհերի և 196 հայցվորների անունները:
Մեղադրական վճիռը Կյոսելեի համար պահանջում է 2-6 տարվա ազատազրկում՝ ընդհատակյա կազմակերպության մասնակից լինելու և պետական ու ռազմական գաղտնի փաստաթղթերի ապօրինի յուրացման համար:
Փաստաթղթերում թուրք ձեռնարկատեր Բիլգին Օզկայնակը անվանվում է լրտեսական ցանցի պարագլուխ, իսկ թուրքական բուհերից մի ուսանողուհի Նարին Կորկմազը՝ նրա գլխավոր օգնական:
Դատախազությունը ցմահ ազատազրկում է պահանջում նրանց և ևս 9 ամբաստանյալների համար:
Գործով առաջին դատական նիստը տեղի կունենա մարտին:
