Ռուսաստանի և ԱՄՆ-ի հարաբերությունների «վերաբեռնումը» չի կարող հարատև լինել, այլապես դա «համակարգի խափանում է»՝ հայտարարել է ՌԴ արտգործնախարար Սերգեյ Լավրովը: Այս մասին հայտնում է RIA Novosti-ն:
«Եթե դա համակարգչային տերմին է, ապա բոլորին պետք է հասկանալի լինի, որ հավերժ վերաբեռնումը համակարգի խափանում է. այն կախվել է»,- ասել է Լավրովը:
«Երբ ԱՄՆ նախագահ Բարաք Օբամայի վարչակազմը հայտարարեց, որ ցանկանում է վերաբեռնել ռուս-ամերիկյան հարաբերությունները, ՌԴ-ն դա միանշանակ ընկալեց` որպես այն քաղաքականության անարդյունավետության ըմբռնում, որն իրականացրել է Բուշի վարչակազմը Ռուսաստանի դեմ»,- հավելել է նախարարը:
Լավրովի խոսքով՝ Ռուսաստանի և ԱՄՆ-ի միջև հարաբերությունները ջերմ են եղել, սակայն այդ ջերմությունը, այդ անձնական կապվածությունը չի փոխանցվել հաջորդող աստիճաններին», որտեղ պայմանավորվում են պրակտիկ գործողությունների մասին:
Նա նշել է, որ Օբամայի վարչակազմը հաջողությամբ երկկողմ հարաբերությունների նոր մոտեցումներ է առաջ քաշել, բարելավել է «մթնոլորտը ռուս-ամերիկյան համագործակցության բոլոր աստիճաններում»: