Համացանցում և լրատվական կայքերում շրջանառվում է այն տեղեկությունը, թե Շվեդիայի Մալմո քաղաքում կայանալիք «Եվրատեսիլ» երգի միջազգային մրցույթում Հայաստանն այս տարի կներկայացնի «Դորիանս» խմբի մենակատար Գոռ Սուջյանը:
«Առաջին լրատվական»-ի հետ զրույցում երգիչն այս տեղեկությունը ո՛չ հաստատեց, ո՛չ էլ հերքեց։ «Սպասենք մի քանի ժամ, և «Հայլուր»-ն ամեն ինչ կպարզաբանի»,-ասաց նա:
Ի դեպ, երգիչը նաև նշեց, որ մինչ այժմ որևէ լրատվամիջոցի ներկայացուցչի հետ զրույցում տեղեկությունը չի հաստատել. «Երևի իրենց PR-ով են զբաղվում, ես ոչինչ չեմ հաստատել»:
Մենք տեղեկացանք նաև, որ խումբը դադարեցրել է աշխատանքն իրենց մենեջեր Վահագն Գևորգյանի հետ, սակայն պատճառների մասին երգիչը մեզ հետ զրույցում չցանկացավ խոսել:
Լուսանկարը՝ Bravo.am-ի
