Լոնդոնի Բյորքբեկ համալսարանի գիտնականները տվել են «Ի՞նչ է երջանկությունը» մշտական հարցի իրենց պատասխանը,- հաղորդում է Hafington Post-ը: Փորձի ընթացքում ուսումնական հաստատության աշխատակիցներին հաջողվել է պարզել, թե ինչն է իրականում մարդուն դրական էմոցիաներ են հաղորդում:
«Հաճույքը չափելու» գաղափարով հանդես է եկել անգլիական Beyond Dark շոկոլադի ընկերությունը: Դրա համար ընտրվել են 80 կամավորներ, որոնց մոտ գիտնականները ֆիքսել են գլխուղեղի ակտիվություն, մինչ նրանք պատասխանում էին տարաբնույթ հարցերի: Հետազոտողներին հետաքրքրել է ուղեղի ավելի զարգացած հատվածի արձագանքը, որը անմիջականորեն կապ ունի նյարդային համակարգի հետ, որը պատասխանատու է մեր էմոցիոնալ-մոտիվացիոն վարքի համար:
Արդյունքում պարզ է դարձել, որ փորձարկվողներին ամենամեծ երջանկությունը պարգևում է տասը ֆունտանոց թղթադրամ գտնելը: Ընդ որում, տղամարդիկ հայտնաբերած գումարի համար ավելի շատ են ուրախացել, քան կանայք: Երկրորդ տեղը զբաղեցրել է կենդանիների ձագերի հետ խաղը: Երրորդ հորիզոնականը ստացել է շոկոլադը, որին հաջորդել են ժպտացող երեխաների լուսանկարները:
