Երեկ կառավարության՝ Մելիք Ադամյանի վրա գտնվող դահլիճում թեկնածու Սերժ Սարգսյանի նախընտրական տեսահոլովակի շնորհանդեսից առաջ, «Առաջին լրատվական»-ի տեղեկություններով, կազմակերպիչները բավական ժամանակ նախապատրաստում էին հավաքված երիտասարդներին, թե ինչպես, ինչ ոգևորությամբ պետք է դիմավորեն Սերժ Սարգսյանին:
Անգամ մեկը Սերժ Սարգսյանի փոխարեն անցնում էր երիտասարդների միջով, ում պետք է ոգևորությամբ և ծափերով դիմավորեին: «Վանկարկումները՝ գնացինք` Հայաստան»,- գոչեց հաղորդավարը, «Հա-յաս-տան»՝ կրկնում էին հավաքված երիտասարդները: Վարողը պահանջեց՝ «ավելի շատ և ավելի ջերմեռանդ» վանկարկել: Հետո սովորեցրեց վանկարկել հաղթանակ բառը՝ «Վանկարկում ենք հաղթանակը, ուշադրություն` երեք-չորս»: «Ով ալարի, տղա չի ունենա»՝ ներկա երիտասարդներին «սպառնում» էր Նազելի Հովհաննիսյանը: