Վրաստանը միշտ կայունացնող դեր է խաղացել Հարավային Կովկասում: Ինչպես հաղորդում է Trend գործակալությունը, այս մասին ԵԽԽՎ ձմեռային նստաշրջանի շրջանակներում մամլո ասուլիսի ժամանակ հայտարարել է Վրաստանի նախագահ Միխեիլ Սաակաշվիլին:
Վրաստանի նախագահը նշել է, որ իր երկիրը ցանկանում է լավ հարաբերություններ ունենալ հարևան պետությունների հետ:
Նրա խոսքերով՝ Վրաստանը լավ հարաբերություններ է պահպանում ինչպես Հայաստանի, այնպես էլ Ադրբեջանի հետ:
«Վերջին տարիներին այս հարաբերությունները նկատվում են ոչ միայն կառավարությունների, այլ նաև ժողովուրդների միջև: Այս տարիների ընթացքում մեր ժողովուրդներն ավելի են մոտեցել միմյանց: Այս կերպ վերացվել են գոյություն ունեցող կարծրատիպերը, մենք ավելի լավ ճանաչեցինք միմյանց»,- ասել է Սաակաշվիլին՝ նշելով, որ համանման գործընթաց գոյություն ունի նաև Ադրբեջանում:
Վրաստանի նախագահի խոսքերով՝ ինքը լավատես է, սակայն պետք է հաղթահարել որոշակի խոչընդոտներ:
