Երեկ ոստիկանությունը բերման էր ենթարկել Վլադիսլավ Մանգասարյանին, ով հունվարի 16-ից հետախուզվում էր խարդախության մեղադրանքով:Վ. Մանգասարյանն այն «գործարարն» է, ում դեմ բողոք էր ներկայացրել ամերիկահայ գործարար Էդմոնդ Խուդյանը՝ շուրջ 1,5 տարի նրան մեղադրելով հանցավոր գործարքների մեջ: Սակայն երեկ Մանգասարյանը բերման էր ենթարկվել ոստիկանություն և տեղափոխվել ՀՀ ԱՆ «Նուբարաշեն» քրեակատարողական հիմնարկ մեկ այլ գործով: «Առաջին լրատվական»-ի հետ զրույցում Էդմոնդ Խուդյանի փաստաբան Նիկոլայ Բաղդասարյանն ասաց, որ իրականում Մանգասարյանը ֆինանսական բուրգ էր կառուցել, որից տուժողների ցանկում ինչպես Խուդյանն էր, այնպես էլ այլ անձինք: Ուստի, փաստաբանի համոզմամբ, բուրգը չշարունակեց վերարտադրվել ամերիկահայ գործարար Խուդյանի շնորհիվ, որովհետև բուրգն աճում էր այն ժամանակ, երբ դեռևս Մանգասարյանի «կլիենտները»տեղյակ չէին, որ նա ֆինանսական բուրգ է ղեկավարում:
«Այսինքն՝ես վերցնում եմ 10 հազար դրամ, ասում եմ՝ ինձ 2 տոկոսով գումար տուր, ուրիշից 10 հազար դրամ եմ վերցնում տանում եմնրա 2 տոկոսն եմ ծածկում և այդպեսբուրգ եմ կառուցում: Երբ Խուդյանը հրապարակեց Մանգասարյանի ամբողջ գործողությունները, հասարակության որոշ զանգված իմացավ, որ Մանգասարյանն իրականում շատ խարդախությունների հեղինակ է,հրաժարվեցին նրան գումարներ վճարել, որի արդյունքում էլ ինքը չկարողացավ շարունակել խարդախությունները: Այն մարդկանց, ում նա պարտք էր մնացել,սկսեցին իրենից գումարներ պահանջել: Ինքը չկարողացավ պահել իր կառուցած ֆինանսական բուրգը: Իմկարծիքով՝ իր խաբեությունների բոլոր սցենարները նույնն է եղել՝ինչ Խուդյանի, ինչ տվյալ անձանց գործով. վերցրել է գումարներ տեղը խոստացել է տարածքներ, տարածքները տարբեր մարդկանց վաճառելով՝ գումարներ է յուրացրել նախորդ պարտքերը փակելու համար: Սա եղել է իր ֆինանսական բուրգի մեխանիզմը»,- խարդախությունների տրամաբանությունը պարզաբանեց փաստաբանը: Նրա կարծիքով՝ բոլոր գործերը, որոնք կան Մանգասարյանի հետ կապված, պետք է միավորվեն մեկ վարույթում:
«Խուդյանի գործով կսպասենք, որ ավարտվի փորձաքննությունը, մենք նաև ՄԻԵԴ ենք դիմել, որ գործի ձգձգման նպատակն այն է, որ իրազեկված լինելով ֆինանսական բուրգի մասին` պաշտոնատար անձինք հնարավորություն էին տալիս Մանգասարյանին նոր մարդկանց գցելու և նախկին պարտքերը մարելու համար: Ես կարծում եմ, որբոլոր գործերը պետք է միավորվեն, որովհետև համոզված եմ, որ տուժողները մի քանի տասնյակ են»,- ասաց Նիկոլայ Բաղդասարյանը:
Հիշեցնենք, որ ամերիկահայ գործարար Էդմոնդ Խուդյանըդեռևս 2010թ. նոյեմբերին դիմել էր Պետական եկամուտների կոմիտեի նախագահ Գ.Խաչատրյանին և հայտնել Հայաստանում բացառապես իր ներդրումների հիման վրա հիմնադրված և գործունեություն իրականացնող «Արին կապիտալ» ներդրումային ընկերությանը պատկանող Մաշտոցի 33 շենքի տարածքների վաճառքի հարցում տեղի ունեցող հանցագործությունների մասին, որոնք զուգորդվում են հարկեր չվճարելով:
2011-ի մարտին նա բողոքներ է ներկայացրել ՀՀ նախագահին և արդարադատության մարմիններին՝իր հիմնադրած ընկերությունում կողոպուտ կազմակերպելու և 4,500,000 դոլար յուրացնելու մասին: Նրա բողոքը«Արին կապիտալ»ներդրումային ՍՊԸ-ի մասնակիցներ Վլադիսլավ Մանգասարյանի, Ղևոնդ Ղալումյանի և ընկերության տնօրեն Էդուարդ Եսայանի հանցավոր գործարքների մասին էր:
