«Առաջին լրատվական»-ի Վանաձորի աղբյուրները հայտնում են, որ այսօր`ժամը 14.00-ին, Վանաձորի Մյասնիկյան նրբանցք, 8 հասցեի իր բնակարանում հայտնաբերվել է 77-ամյա Լենա Մխոյանի դին` կախված վիճակում: Նրան հայտնաբերել է թոռը` Էրիկ Զալյանը: Կատարվում է դեպքի վայրի զննություն: Նշանակված է դատաբժշկական փորձաքննություն:
Հարևանների պատմելով` Լենա Մխոյանի տղան տարիներ առաջ Ռուսաստան էր գնացել, և նրանից որևէ լուր չկար: Աղջիկը թոռների հետ Թուրքիայում էր բնակվում: Ինքը փոքր թոռան ու նրա կնոջ հետ ապրում էր նշված հասցեում: Հարևանների պատմելով`տարեց կնոջը լավ չէին վերաբերվում, սոված էին պահում, դեղ չէին գնում: Ասում էին` թոշակ ես ստանում, քո թոշակով ապրի:
