Ընթացիկ տարվա ամռանն Apple ընկերությունը Շանհայում հետազոտությունների և մշակումների կենտրոն կբացի, որը կզբաղեցնի ավելի քան 9 000 քմ մակերեսով 3 վեցհարկանի շենք, հայտնել է Cnet China կայքը՝ հղում անելով իրավիճակին ծանոթ աղբյուրներին:
Այս շաբաթ ավելի վաղ ԶԼՄ-ներն արդեն հայտնել էին Չինաստանում R&D-կենտրոն բացելու Apple-ի ծրագրերի մասին, սակայն այն ժամանակ, որպես դրա հիմնադրման վայր, նշվում էր Պեկինը:
Հավանաբար, iPhone-ի արտադրողը Շանհայում կոմպլեքսի շենքի համար կվճարի տարեկան մոտ 8 մլն դոլար վարձ:
Apple-ի գլխավոր տնօրեն Թիմ Կուկը բազմիցս նշել է ընկերության համար չինական շուկայի կարևորությունը: Մասնավորապես, Կուկը հայտարարել է, որ ժամանակի ընթացքում ՉԻնաստանը կարող է դառնալ Apple-ի վաճառքի ամենամեծ շուկան:
