Ռուսաստանի նախագահ Վլադիմիր Պուտինը մասնակցել է Կոլեկտիվ անվտանգության մասին պայմանագրի կազմակերպության Անվտանգության խորհրդի նիստին: Բանակցությունների արդյունքում մասնակիցները 22 փաստաթուղթ են ստորագրել, գրում է RT-ն:
Բացի Պուտինից, հանդիպմանը մասնակցել են նաև Հայաստանի նախագահ Սերժ Սարգսյանը, Բելառուսի նախագահ Ալեքսանդր Լուկաշենկոն, Ղրղզստանի նախագահ Ալմազբեկ Աթամբաևը, Ղազախստանի նախագահ Նուրսուլթան Նազարբաևը, Տաջիկստանի նախագահ Էմոմալի Ռախմոնը և կազմակերպության գլխավոր քարտուղար Նիկոլայ Բորդյուժան:
Ռուսաստանի նախագահը նշել է, որ Հայաստանի և Ղրղրզստանի`միությանը անդամակցելը կնպաստի այդ երկրների զարգացմանը: «Մասնակիցների թվի աճը նաև հենց Միության օգտին է»,- ասել է նա:
«Հենց նոր մենք պայմանագիր ենք ստորագրել Ղրղզստանի` Եվրասիական տնտեսական միությանն անդամակցելու մասին, շատ կարևոր հարցեր ենք քննարկել: Զրույցը հասարակներից չէր, բայց ցանկանում եմ ասել, որ պայմանագրում որոշված են Ղրղզստանի անդամակցման հստակ և արդարացի պարամետրերը, որոշված են միասնական մաքսային տարիֆը և պայմանագրի` ուժի մեջ մտնելու ժամկետները, միասնական մաքսային տարիֆ կիրառելու ամսաթիվը և Ղազախստանի հետ Ղրղզստանի սահմանին մաքսային վերահսկողությունը չեղյալ հայտարարելը»,- ասել է Ղրղզստանի նախագահը: