Նախկին Հարավսլավիայի հարցով Հաագայի միջազգային դատարանը (ՆՀՄԴ) պատրաստ է վերանայել խորվաթ գեներալներ Անտե Գոտովինայի և Մլադենա Մարկաչի գործերը։ Այդ մասին այսօր Հաագայում հայտնել է ՆՀՄԴ գլխավոր դատախազ Սերժ Բրամմերցը։
Սերբիայի արդարադատության և պետական կառավարման նախարար Նիկոլա Սելակովիչը լրագրողներին ասել է, որ ՆՀՄԴ-ը խոստացել է հնարավոր ամեն ինչ անել այդ գործերի վերանայման համար։ Նա նաև նշել է, որ Սերբիան չի ողջունում խորվաթ գեներալների և Կոսովոյի ազատագրման բանակի պաշտոնյա Ռամուշ Խարադինայի արդարացման մասին որոշումները։
ՆՀՄԴ-ի վերաքննիչ պալատը նոյեմբերի 18-ին արդարացրել և դատարանի դահլիճից ազատ էր արձակել խորվաթ գեներալներ Անտե Գոտովինային և Մլադենա Մարկաչին։ 2011-ի ապրիլի 15-ին ՆՀՄԴ-ն Գոտովինային դատապարտել էր 24, իսկ Մարկաչին 18 տարվա ազատազրկման։ Նրանք մեղավոր են ճանաչվել Սերբիայում 1995-ի ամռանը և աշնանը կատարված ռազմական հանցագործությունների մեջ։ Նրանց արդարացումը կտրուկ արձագանք է ստացել Սերբիայում և Բելգրադի ու Զագրեբի միջև հարաբերությունների վատթարացման պատճառ դարձել։
Սելակովիչը Հաագայում բանակցություններ կվարի ՆՀՄԴ-ի ներկայացուցիչների հետ և կայցելի Սերբիայի քաղաքացիներ Ռադկո Մլադիչին և Ռադովան Կարաջիչին, ովքեր կալանավորված են։
