Disney ընկերությունը պաշտոնապես ներկայացրել է իրեն պատկանող ֆրանշիզի հերոսների մասնակցությամբ վիդեոխաղը: Ինչպես հաղորդում է Polygon պորտալը՝ Disney Infinity նախագիծը թողարկվելու է հունիսին:
Ի սկզբանե նախագիծը լույս կտեսնի Xbox 360, PS3, Wii U, Wii և 3DS կոնսոլներում: Ենթադրվում է, որ հետո տարբերակներ կթողարկվեն PC-ի և բջջային սարքավորումների համար:
Disney Infinity-ն իր կառուցվածքով կհիշեցնի Skylanders: Spyro’s Adventure-ին, որը թողարկվել է Activision-ի ժամանակ: Խաղալու համար գեյմերներից կպահանջվի հենց խաղը, կերպարների պլաստմասսայե մարմինները, ինտերակտիվ Power Discs սկավառակներ և «բազա», որի միջոցով խաղը հավելվում է DI-ին: Պլաստմասսայե մարմինները կբացեն մուտքը դեպի Play Sets:
Disney Infinity-ի մեջ կմտնի երեք կերպար՝ «Հրեշների ընկերությունից» Սալին, կապիտան Ջեք Ճնճղուկը և «Գերընտանիքից» պարոն Բացառիկը: Խաղի թողարկումից հետո հասանելի կլինեն գրեթե 20 կերպարներ, սակայն մյուս կերպարներին խաղացողները պետք է ձեռք բերեն:
Նախագծի մշակմամբ զբաղվում է Avalanche Software ստուդիան:
