«Arma 3» ռազմական խաղի երկու չեխ նախագծողները, ովքեր Հունաստանում ձերբակալվել են անցած տարվա սեպտեմբերին լրտեսության մեղադրանքով, ազատ կարձակվեն: Այս մասին հաղորդում են տեղի լրատվամիջոցները՝ հղում անելով կառավարության ներկայացուցիչ Միխալ Շուստերին:
Երկու երկրների իշխանությունները մի շարք բանակցություններ են անցկացրել: Հիմա Մարտին Պեզլարը և Իվան Բուհտան պետք է վճարեն 5 հազար եվրո, որից հետո կվերադառնան հայրենիք, հաղորդում է Ria Novosti-ն:
Ծրագրավորողները ձերբակալվել են, երբ նկարահանել են ռազմական օբյեկտները: Նրանց խոսքով՝ դա արել են վիդեոխաղերի համար: Օտարեկրացիները հայտարարել են, որ այդ կերպ ցանկանում էին հարստացնել խաղի գրաֆիկան:
2012-ի ապրիլին Bohemia Interactive-ը հրապարակել է թրեյլերը, իսկ խաղը լույս պետք է տեսնի 2012-ի վերջին: Ձերբակալությունների պատճառով խաղի նախագծման ժամկետները հետաձգվել են:
Ընկերությունը հայտարարել է, որ իր աշխատակիցները լրտեսություն չեն արել Հունաստանում, այլ արձակուրդի համար մեկնել են Հունաստան՝ միայն գեղեցիկ վայրերը տեսնելու, իսկ բարդ իրավիճակում հայտնվել են միայն իրենց չհասկանալու հետևանքով:
Bohemia Interactive-ը կոչ է արել Հունաստանի իշխանություններին՝ ազատել իր երկու աշխատակիցներին: