ԱՄՆ-ի նախագահ Բարաք Օբաման չորեքշաբթի ներկայացնելու է զենքի շրջանառության վերահսկման խստացման մասին ծրագիր: Այս մասին հաղորդում է CNN-ը` վկայակոչելով Սպիտակ տան իր աղբյուրները:
«Օբաման ծրագիրը ներկայացնելու է չորեքշաբթի Սպիտակ տան ելույթի ժամանակ: Փաստաթուղթը ներառում է 19 կետ»,- հաղորդում է հեռուստաալիքը:
Ավելի վաղ ակնկալվում էր, որ Օբաման նման առաջարկով հանդես կգար հունվարի վերջին` երդմնակալության արարողությունից հետո:
Ավելի վաղ ԱՄՆ-ի փոխնախագահ Ջոզեֆ Բայդենը հայտարարել էր, որ Օբաման բռնության հետ կապված խնդիրները կարող է լուծել հրամանագրի միջոցով՝ առանց սպասելու կոնգրեսի որոշմանը:
Կոնեկտիկուտ նահանգում տեղի ունեցած ողբերգությունից հետո, որտեղ հանցագործը սպանել էր 20 երեխայի, ԱՄՆ-ի վարչակազմը ստեղծել է բռնությանը հակազդելու միջգերատեսչական հանձնաժողով, որը գլխավորում է փոխնախագահ Ջոզեֆ Բայդենը: Մասնավորապես, հանձնաժողովն առաջարկում է խստացնել զենքի գնման վերահսկման համակարգը:
