Standard & Poor’s վարկանիշային գործակալությունը երկուշաբթի հայտարարել է, որ այլևս Թուրքիայի համար չի առաջարկի գնահատականների լայն շրջանակ՝ այդպիսով ջնջելով տարածաշրջանի բարգավաճող երկրներից մեկի գնահատմանն ուղղված երկար և քրտնաջան աշխատանքի արդյունքները: Այս մասին հայտնում է MK-Turkey կայքը:
Գործակալությանը չի հաջողվել պայմանավորվածություն ձեռք բերել Թուրքիայի կառավարության հետ, այժմ այն կթողարկի միայն Թուրքիայի «կամավոր» վարկանիշը, այսինքն՝ դրա համար պետությունը չի վճարի, ինչից կարող են օգտվել ներդրողները:
Փետրվարի 14-ին գործակալությունը կվերացնի թուրքական պարտքի առանձին հոդվածներով բոլոր վարկանիշներն ու կթողնի միայն վարկունակության ընդհանուր վարկանիշը:
Fitch և Moody’s գործակալությունները շարունակում են համագործակցել պետության հետ, և մեկ գործակալության հեռանալը լրջորեն չի ազդի շուկաների վրա:
Կողմերի միջև «սև կատու» էր անցել դեռևս մայիսին, երբ գործակալությունը իջեցրել էր երկրի վարկային վարկանիշը դրականից կայունի: Վարչապետ Էրդողանը նույնիսկ սպառնացել էր հրաժարվել նրա ծառայություններից;
Standard & Poor’s-ը ներկայում Թուրքիային տալիս է BB գնահատականը՝ ներդրումային մակարդակից երկու աստիճանով ցածր, մինչդեռ Fitch-ը գնահատականը բարձրացրել է մինչև ներդրումային BBB- մակարդակ, իսկ Moody’s-ի գնահատականը ընդամենը մեկ աստիճանով է ցածր՝ Ba1:
