Ղազախական ավանդական գլխարկով Ֆրանսուա Օլանդի լուսանկարը պայթեցրել է ֆրանսիական համացանցը: Այս մասին հաղորդում է Agence France-Presse-ը:
Երգիծական լուսանկարն արվել է Ղազախստանի նախագահ Նուրսուլթան Նազարբաևի լուսանկարչի կողմից Օլանդի՝ Աստանա այցի ժամանակ: Լուսանկարը հրապարակվել է ղազախական իշխանությունների Instagram-ում, սակայն ավելի ուշ այն հեռացրել են:
Հաղորդվում է, որ Ելիսեյան պալատում չափազանց դժգոհ են եղել անհաջող լուսանկարից:
Լուսանկարը շատ կատակների, կոլաժների պատճառ է դարձել: Նույնիսկ առաջարկվել է թողարկել Օլանդի տեսքով տիկնիկ, որին երեխաները կարող են հագցնել ցանկացած հագուստ:
Ֆրանսիայի վարչապետ Մանուել Վալսն այդ կապակցությամբ ընդգծել է, որ Օլանդը մեծ երկրի նախագահ է և նրան պետք է հարգել: Նրա խոսքով՝ բացի այդ, Ղազախստան կատարած այցի ժամանակ նա զբաղվել է կարևոր բանակցություններով:
