Այսօր տեղի է ունեցել «Զարգացման Հայկական Բանկ» բաց բաժնետիրական ընկերության «Մալաթիա» մասնաճյուղի բացումը, որը տեղակայված է Րաֆֆու 30 հասցեում:
Նորաբաց մասնաճյուղն իր հաճախորդներին կսպասարկի նոր, ընդարձակ և հարմարավետ տարածքում՝ հագեցված ժամանակակից տեխնիկայով: Մասնաճյուղը տեղի բնակիչներին առաջարկում է բարձրորակ և գրավիչ պայմաններով բանկային ծառայությունների ամբողջական փաթեթ, այդ թվում՝ բանկային հաշիվների սպասարկում, բիզնես և սպառողական վարկեր, տեղական և միջազգային վճարային քարտեր, ժամկետային ավանդների և կոմունալ վճարումների ընդունում, տեղական և միջազգային փոխանցումների իրականացում և այլն:
Նշենք նաև, որ Բանկը, հավատարիմ մնալով իր որդեգրած քաղաքականությանը, ինչպես նաև, նպաստելով հաճախորդների բանկային գործարքներին ուղղվող ծախսերի կրճատմանը՝ շարունակում է ֆիզիկական և իրավաբանական անձանց առաջարկել 14 անվճար բանկային ծառայություններ, ինչպիսիք են՝ բանկային և քարտային hաշիվների սպասարկում, տեղական և միջազգային փոխանցումներ, օնլայն համակարգերի սպասարկում և այլն:
Մասնաճյուղի բոլոր աշխատակիցներն ունեն համապատասխան մասնագիտական կրթություն և պատրաստ են առաջարկել մասնաճյուղի յուրաքանչյուր հաճախորդին իր պահանջներին համապատասխան արդյունավետ ֆինանսաբանկային լուծումներ: Բանկի ծառայություններից կարող են օգտվել հասարակության լայն սեգմենտները, տնտեսության ամենատարբեր ոլորտները ներկայացնող իրավաբանական անձինք և անհատ ձեռներեցներ:
