Այսօր «Հենարան» մամուլի ակումբում հյուրընկալվել էին երիտասարդ կուսակցականները՝ «Ժառանգություն» կուսակցության վարչության անդամ Դավիթ Սանասարյանը, ՀԺԱՄ-ից Հայկ Կոջորյանն ու ՕԵԿ-ից Առաքել Առաքելյանը:
ՀԺԱՄ ներկայացուցիչը քննադատեց կոալիցիոն վերջին հուշագիրը՝ նշելով, որ քաղաքական մտքի ճգնաժամը հանգեցրել է քաղաքական ճգնաժամի: Ըստ նրա՝ կոալիցիոն հայտարարությամբ երկու տարի առաջ կանխորոշվել են ընտրությունների արդյունքները:
ՕԵԿ ներկայացուցիչը հակադրվեց՝ ասելով, թե դա քաղաքակիրթ հայտ է ու կիրառվում է եվրոպական զարգացած երկրներում:
«Ժառանգության» ներկայացուցիչ Դավիթ Սանասարյանը կոալիցիոն վերջին հայտարարությունը որակեց որպես Հայաստանում կուսակցապետություն ստեղծելու նախադրյալ։ Ըստ նրա՝ առանց ժողովրդի կարծիքը հաշվի առնելու կանխորոշել հաջորդ ընտրություններում քաղաքական դասավորվածությունն ու միասնական թեկնածուով հանդես գալու փաստը, ըստ նրա, կուսակցապետության ամենալավ դրսևորումներից մեկն է:
«Սա մեծ կացնահարում էր մեր ժողովրդավարության հիմքերին»,- բնութագրեց Դավիթ Սանասարյանը։