Հունվարի 12-ին Հունաստանի խորհրդարանը հաստատել է հարկերը խստացնելու մասին օրինագիծը, հաղորդում է Reuters-ը: Հօգուտ օրենքի նախագծի քվեարկել է խորհրդարանի 300 անդամներից 163-ը:
Խորհրդարանի կողմից հաստատված փաստաթուղթը նոր՝ առավելագույն 42% հարկաչափ է սահմանում քաղաքացիների համար, որոնց եկամուտները տարեկան գերազանցում են 42 հազար եվրոն: Ավելի վաղ հարկի առավելագույն չափը (45%) տարածվում էր տարեկան ավելի քան 100 հազար եվրո եկամուտ ունեցող քաղաքացիների վրա: Փաստաթղթի հեղինակները նշում են, որ միևնույն ժամանակ օրինագիծը նվազեցնում է թոշակառուների և պետական ծառայողների հարկային բեռը, որոնց եկամուտը տարեկան չի գերազանցում 25 հազար եվրոն:
Օրինագծի հեղինակների հաշվարկման համաձայն՝ հարկային բարեփոխումը Հունաստանի բյուջեի ամենամյա մուտքը մեծացրել է 2.3 միլիարդ եվրոյով:
Վերջին տարիներին Հունաստանը ստիպված է եղել կիրառել մի շարք կոշտ միջոցառումներ` պետական բյուջեի ծախսերը կրճատելու և եկամուտները մեծացնելու համար: