Մեծ Բրիտանիայի վարչապետ Դևիդ Քեմերոնն ուրբաթ օրը ելույթ կունենա, որի ընթացքում, մասնավորապես, ԵՄ-ից միգրանտներին կառաջարկի Միացյալ Թագավորությունում աշխատել արտոնություններ ստանալուց առնվազն 4 տարի առաջ, գրում է The Guardian-ը: Թերթը նշում է, որ այդ նախաձեռնությունը կարող է վերաբերել ԵՄ ավելի քան 300 հազար քաղաքացու, որոնք աշխատում են Բրիտանիայում և հավակնում են հարկային սուբսիդիաների:
Պարբերականը նշում է, որ առաջարկված միջոցի նպատակն է կրճատել մաքուր աշխատավարձը, որը ԵՄ միգրանտը ստանում է Բրիտանիայում, և իր հայրենիքում ստացվող աշխատավարձի տարբերությունը: Առաջին հերթին խոսքը ոչ որակավորված աշխատուժի մասին է: Թերթը չի բացառում, որ նախաձեռնությունը կարող է բերել ԵՄ սոցապահովման մասին օրենսդրության թարմացմանը:
Իր խոսքում Քեմերոնը նաև կհասկացնի, որ ինքը պատրաստ է ԵՄ-ից Բրիտանիայի դուրս գալուն, բայց որ այդ ելքն իր նպատակը չէ, ավելացնում է պարբերականը: «Մենք արժանի ենք, որ մեզ լսեն, և մեզ պետք է լսեն»,- կասի Քեմերոնը:
